आदर्श टेक्निकल एज्युकेशन सोसायटी कळवण संचालित स्वामी विवेकानंद व्यवसाय शिक्षण/प्रशिक्षण केंद्र मनुर (कळवण). ही नाशिक जिल्ह्यातील कळवण सारख्या आदिवासी भागात काम करणारी एक लोकप्रिय व्यवसाय प्रशिक्षण संस्था आहे. शिखराच्या उंच टोकापर्यंत पोहोचणाऱ्या या संस्थेला गेल्या अकरा वर्षाचा इतिहास आहे. इतिहास सांगतो की आदर्श टेक्निकल एज्युकेशन सोसायटीची स्थापना उत्साही व अभ्यासू सामाजिक कार्यकर्त्यांमधून निर्माण झालेली आहे. ही संस्था आज मानुर (कळवण) व लासलगाव (निफाड) या दोन तालुक्यांमध्ये कार्य करते.युवकांमध्ये कौशल्य निर्मिती करून कुशल कारागीर बनवते. सध्या संस्थेमध्ये व्यवसाय शिक्षण घेणाऱ्या विद्यार्थ्यांची संख्या 130 पर्यंत पोहोचलेली आहे. गेल्या अकरा वर्षांमध्ये जवळपास 600 ते 700 विद्यार्थ्यांनी या प्रशिक्षण केंद्रात शिक्षण/प्रशिक्षण घेतलेले आहे. इतिहास सांगतो की या संस्थेचे निर्मितीचे श्रेय शिक्षण सेवक व सामाजिक कार्यकर्ते श्री दगडू रामचंद्र सोनवणे, विष्णू रामचंद्र जाधव, हितेश सोनवणे, श्री सुभाष देवघरे आणि रामदास तुळशीराम पवार यांच्या सामाजिक कार्यातून झालेली आहे. परंतु यात श्री दगडू रामचंद्र सोनवणे यांची धडपड वाखाणण्या जोगी आहे. खरे श्रेय दगडू सरांचेच आहे असे मानावे लागेल.’विना–कौशल्य नाही भविष्य‘ हे संस्थेचे ब्रीद वाक्य आहे. सुशिक्षित बेरोजगारांची संख्या लक्षात घेता,  या बेरोजगार तरुणांनी प्रशिक्षण घेऊन आपल्या स्वतःच्या पायावर उभे राहावे अशीच संस्थेची इच्छा आहे.अजाची वाढती लोकसंख्या आणि बेरोजगार तरुणांची होणारे ससे होलपट पाहून, सुशिक्षित बेरोजगारांनी पारंपारिक शिक्षणाकडे ओढ न घेता त्यांनी व्यवसाय प्रशिक्षणाकडे वळाले पाहिजे आणि कौशल्य विकासाचे प्रशिक्षण घेऊन आपण आपल्या जीवनाचा पाया भक्कम केला पाहिजे.

संस्थेविषयक प्राचार्य मनोगत

विद्यार्थी मित्रांनो,

आदर्श टेक्निकलच्या संकेतस्थळावर आपले हार्दिक स्वागत आहे. जागतिकीकरणाच्या जगात भारताला कुशल कामगार निर्माण करण्याची गरज आहे. हे आव्हान स्वीकारण्याच्या प्रयत्नात आम्ही युवकांना दर्जेदार तांत्रिक शिक्षणाद्वारे सशक्त बनवण्याचा आमचा दृष्टिकोन निश्चित केला आहे. आमच्या प्रशिक्षण केंद्रात चालणाऱ्या सर्व अभ्यासक्रमांना विद्यार्थ्यांचा प्रचंड प्रतिसाद मिळत आहे. तांत्रिक अभ्यासक्रम असो किंवा पॅरामेडिकल अभ्यासक्रमातून असो आम्ही आमच्या विद्यार्थ्यांना उद्योगाची उत्पादकता सुधारण्यासाठी अधिक व्यावहार्य उपाय प्रदान करण्यासाठी प्रशिक्षण देतो. शाश्वत विकासासाठी तंत्रज्ञानाच्या सीमा वरती भागात संशोधनाला प्रोत्साहन देणे हे आमचे ध्येय आहे. प्रशस्त इमारत सुसज्ज वर्कशॉप व त्यातून मिळणारे सखोल प्रशिक्षण त्याचबरोबर सर्व प्रकारचे प्रॅक्टिकल्स व त्यांचा सराव या शिवाय जनमाणसात युवकांची प्रतिष्ठा वाढवण्यासाठी विशेष लक्ष दिले जाते.

याशिवाय सर्व प्रकारच्या आस्थापना, मोठमोठ्या कंपन्या किंवा सर्व प्रकारच्या प्लेसमेंट विषयी माहिती देऊन विद्यार्थी घडवण्यावर विशेष भर दिला जातो.

तुम्हाला कळविण्यास मला आनंद होत आहे की आमच्या प्रशिक्षण केंद्रातून अनेक विद्यार्थी सरकारी आस्थापना, कंपन्यांमध्ये नोकरी करीत आहेत. तसेच अनेक विद्यार्थ्यांनी उत्तम प्रकारे व्यवसाय सुरू केलेला आहे. प्रशिक्षणा व्यतिरिक्त प्रत्येक विद्यार्थी समाजाशी कसा जोडला जाईल. याविषयी आमचे वैयक्तिक लक्ष असते. यासाठी आमची संस्था मोठमोठ्या नावाजलेल्या विद्वानांची व्याख्याने, वृक्षारोपण, रक्तगट तपासणी व रक्तदान शिबिर, श्रमदान असे अनेक कामे करून सामाजिक बांधिलकी निर्माण करण्याचे कार्यकर्ते. आपल्या उज्वल भविष्यासाठी मी श्री वामन सिताराम गावित प्राचार्य या नात्याने पुढील प्रवासाची शुभेच्छा देत आहे.

आमचे वैशिष्ट्य

आम्ही काय करतो

१) येण्याजाण्यासाठी एस.टी. पास ची सोय केली.
२) अभ्यासक्रम पूर्ण केल्यानंतर ॲप्रेंटीसशिप पूर्ण करण्यासाठी (पुर्वी या व्यवसाय अभ्यासक्रमांना ॲप्रेंटीसशिपची सोय नव्हती) संस्थेने विद्यार्थ्यांसाठी ॲप्रेंटीसशिप ॲक्ट पास करुन घेतला. आता या विद्यार्थ्यांसाठी सर्व शासकिय व निमशासकिय विभागात ५% जागा आरक्षीत आहेत.
३) कंपन्यांमध्ये विद्यार्थ्यांच्या प्लेसमेंटची सोय करण्यात आली.
४) संस्थेतील सर्व पायाभूत सुविधा (फर्निचर, यंत्रसामग्री) कुणाचीही मदत न घेतला आपल्या स्वकर्तृत्वावर निर्माण केली.
५) स्वत:च्या कर्तृत्वावर आता १५ ते २० लक्ष रुपयांची यंत्रसामग्री संस्थेकडे आहे.
६) संस्थेने २ एकर जागा खरेदी केलेली आहे. आर्थिक अडचणीमुळे खरेदी झालेली नाही.